ماہرہ خان کا ’دو ٹکے کی عورت‘ کہنے والی خاتون صارف کو کرارا جواب

آپ کی ذہنیت آپ کے لفظوں میں صاف نظر آرہی ہے۔ ماہرہ خان کا خاتون کو جواب فوٹوفائل

---

عالمی شہرت یافتہ پاکستانی اداکارہ ماہرہ خان نے انہیں ''دو ٹکے کی عورت'' کہنے والی خاتون صارف کو کرارا جواب دیتے ہوئے کہا کہ اس خاتون کو بہترین تعلیم اور تربیت کی ضرورت ہے۔

مومل نامی ٹوئٹر صارف نے ماہرہ خان کے لیے انتہائی نازیبا زبان اور الفاظ استعمال کرتے ہوئے ان پر نامناسب الزامات لگائے اور کہا کہ آپ جیسی ''دوٹکے کی عورت'' کی معاشرے میں کوئی حیثیت نہیں۔

ماہرہ خان اکثر خود پر ہونے والی تنقید کا جواب نہیں دیتیں تاہم اس بار ماہرہ خان نے خاتون صارف کو ان کے خلاف نازیبا زبان استعمال کرنے پر تنقید کرتے ہوئے کہا آپ کی ذہنیت آپ کے لفظوں میں صاف نظر آرہی ہے۔ میری کمائی حلال کی ہے ورنہ آپ کو اچھے اسکول بھیجنے کا ذمہ میں اٹھاتی۔ جہاں تک بات رہی ''دو ٹکے'' کی ہم جیسی عورتیں اپنے آپ پر قیمت نہیں لگاتیں اور نہ ہی کسی اور انسان پر۔

Aap ki zehniat aap ke lafzon mein saaf nazar aati hai. Meri kamai halal ki hai, warna aap ko achay school bhejnay ka zima mein uthati! Jahan tak baat rahi 2 takay ki.. hum jaisi auretein apney aap par qeemat nahi lagati, na hi kisi aur insaan par 🙏🏼 https://t.co/BghSMGrgVC

— Mahira Khan (@TheMahiraKhan) December 19, 2019

سوشل میڈیا پر ماہرہ خان کے خاتون صارف کو دئیے گئے جواب کو بے حد سراہا جارہا ہے جب کہ ان کے لیے اتنے انتہائی نازیبا زبان استعمال کرنے پر خاتون کو تنقید کا نشانہ بنایا جارہا ہے۔

اداکار شان نے خاتون صارف کے الفاظوں اور انداز پر تنقید کرتے ہوئے کہا زبان اور الفاظ دونوں سے آپ کا معیار نظر آتا ہے۔ بہت شرم آرہی ہے آپ کو پاکستانی کہتے ہوئے۔ ماہرہ خان ایک پاکستانی ہیں، انہوں نے اپنے کام سے عزت کمائی ہے آپ ان سے جینے کا طریقہ سیکھیں۔

Zubaan or alfaaz dono sai ap ka mayaar nazar ata hai.. bohat sharm a rahee hai apko Pakistani kehtay huway .. Mahira Khan is a Pakistani ⭐️ she has earned respect through her work .. learn to live with that #pakistanalwaysfirst

— Shaan Shahid (@mshaanshahid) December 19, 2019

سمیرا خان نامی صارف نے بھی ماہرہ خان کی حمایت کرتے ہوئے مومل کو مخاطب کرتے ہوئے کہا اس بہن کو ایک بات کہنا چاہوں گی سیانے کہتے ہیں کہ سوچ سمجھ کر بولا کرو الفاظ نسلوں کا تعارف کرادیتے ہیں۔

اس بہن کو ایک بات ہی کہنا چاہو گی کہ سیانے کہتے ہیں کہ سوچ سمجھ کر بولا کرو الفاظ نسلوں کا تعارف کروا دیتے ہیں

— Sameera Khan (@Sameraofficial1) December 19, 2019