KHAIRPUR:
افریقی ملک مالی میں فرانس کے دو صحافیوں کو اغوا کرنے کے بعد ہلاک کر دیا گیا ہے۔
غیر ملکی خبر رساں ادارے کے مطابق فرانس کے سرکاری ریڈیو سے تعلق رکھنے والے دو صحافی گیسلین ڈوپونٹ اور کلاڈ ورلون مالی میں علیحدگی پسند گروپ کے مقامی لیڈر کے انٹرویو کے لئے ملک کے شمالی علاقے کے اہم شہر کدال گئے تھے جہاں سے واپسی پر انہیں نامعلوم افراد نے اغوا کرلیا گیا تھا، دونوں صحافیوں کی گولیوں سے چھلنی لاشیں شہر کے مضافات سے مل گئی ہیں تاہم اب تک اغواکاروں کی شناخت کے بارے میں معلوم نہیں ہوسکا۔
واضح رہے کہ مالی میں جاری بغاوت اور علیحدگی پسندی کو روکنے کے لئے فرانس نے رواں برس فوجی مداخلت کی تھی اور اب بھی فرانس کے 2ہپزار فوجی مالی میں موجود ہیں۔