ویرات کوہلی سانتا کلاز کا روپ دھار کر بے سہارا بچوں کے مرکز پہنچ گئے

بھارتی کپتان کی آمد سے قبل اندھیرا کردیا گیا تھا،وہ اچانک بچوں کے سامنے آئے اور من پسند تحائف پیش کیے۔ فوٹو: سوشل میڈیا

---

ویرات کوہلی سانتا کلاز کا روپ دھار کر بے سہارا بچوں کے مرکز میں پہنچ گئے۔

بھارتی کپتان نے ایک ویڈیو دیکھی جس میں شیلٹر ہوم کے بچے سچن ٹنڈولکر، پی وی سندھو اور کرسٹیانو رونالڈو سمیت اسٹارز سے ملنے کی خواہش ظاہر کررہے تھے، ویرات کوہلی نے سانتا کلاز کا روپ دھارا اور بچوں کے درمیان پہنچ گئے،ان کی آمد سے قبل اندھیرا کردیا گیا تھا،وہ اچانک بچوں کے سامنے آئے اور من پسند تحائف پیش کیے۔