بیٹے ابرام میں نیا شاہ رخ دیکھ رہا ہوں شاہ رخ

آخری سانس تک اپنی ہر فلم کو بہتربنانے کی کوشش کرتا رہوں گا، شاہ رخ خان ۔فوٹو: فائل

---

بالی ووڈ پر برسوں سے حکمرانی کرنیوالے اداکار شاہ رخ خان نے کہا ہے کہ وہ اپنے بیٹے ابرام میں نیا شاہ رخ خان دیکھ رہے ہیں اور اپنا یہ سال چھوٹی خوشیوں کے نام کرتے ہیں۔

انھوں نے کہا کہ ہم تمام سال کچھ بڑا کرنے کے لیے بیتاب رہتے ہیں چاہے وہ کوئی بڑی فلم ہی کیوں نہ ہو میں جانتا ہوں کہ یہ سب ضروری ہے اور میں نے بھی 22سالوں میں یہی کیا ہے مگر اب میں نے فیصلہ کیا ہے کہ میں چھوٹی چیزوں پر دھیان دوں گا کیونکہ ہم بڑی چیزوں کے حصول کی دوڑ میں چھوٹی چیزوں کو نظر انداز کردیا ہے ۔



اس سال میں اپنے بچوں کو وقت دینا چاہتا ہوں کیونکہ وہ اب بڑے اور اپنی زندگی گزارنے میں مصروف ہورہے ہیں اس لیے میں ان میں شامل ہونا چاہتاہوں۔ شاہ رخ کا کہنا تھا کہ میں اپنی پیشہ ورانہ زندگی میں کئی چیزیں حاصل نہیں کرسکا اور ان کے حصول میں بہت وقت لگے گا، میں آخری سانس تک اپنی ہر فلم کو بہتربنانے کی کوشش کرتا رہوں گا۔