امریکا میں طیارہ جھیل میں گر کر تباہ پائلٹ معجزانہ طور پر محفوظ

ریسکیو عملے نے ہالی فیکس جھیل سے طیارے کو بمشکل نکالا، فوٹو : امریکی میڈیا

---

امریکا میں ایک چھوٹا طیارہ جھیل میں گر کر تباہ ہو گیا تاہم معجزانہ طور پر پائلٹ محفوظ رہا۔

بین الاقوامی خبر رساں ادارے کے مطابق امریکی ریاست میساچوسٹس میں ایک نجی چھوٹا طیارہ ہچکولے کھاتے ہوئے دریا ہالی فیکس میں گر گیا اور پانی کے بہاؤ کیساتھ بہنے لگا۔ پائلٹ نے کھڑکی سے باہر نکال کر طیارے کی چھت پر چڑھ کر لوگوں کو متوجہ کیا اور مدد طلب کی۔

ریسکیو اداروں نے امدادی کاموں کا آغاز کرتے ہوئے پائلٹ کو بحفاظت نکال لیا اور ناکارہ طیارے کو گھسیٹ کر ساحل تک لائے، بعد ازاں لفٹر کے ذریعے اپنے دفتر منتقل کیا۔ طیارہ اب ناقابل استعمال ہوگیا ہے اور ایوی ایشن نے طیارہ حادثے کی وجوہات کا تعین کرنے کے لیے انکوائری کمیٹی تشکیل دیدی ہے۔

Firefighters have lifted the aircraft safely out of East Monponsett Lake. This is 8.5 hours after the plane was forced to make a landing today. @boston25 pic.twitter.com/5vQlw9Dfit

— Kirsten Glavin (@kirstenglavin) December 22, 2019

واضح رہے کہ امریکا میں نجی طور پر استعمال ہونے والے چھوٹے طیاروں کے حادثات معمول کی بات بن گئے ہیں، رواں برس ان حادثوں میں ہلاک ہونے والوں کی تعداد 100 سے تجاوز کرگئی ہے۔