امریکا نے حکیم اللہ محسود کو غلط وقت پر ہلاک کیا حامد کرزئی

حکیم اللہ محسود کی ہلاکت خطے میں امن کوششوں کو متاثر کرسکتی ہے، حامد کرزئی فوٹو: فائل

---

افغان صدر حامد کرزئی نے کہا ہے کہ امریکا نے حکیم اللہ محسود کو غلط وقت پر ہلاک کیا ہے۔

غیر ملکی خبر رساں ادارے کے مطابق کابل میں امریکی ارکان کانگریس سے ملاقات کے دوران افغان صدر نے کہا کہ گزشتہ دنوں امریکا نے کالعدم تحریک طالبان پاکستان کے سربراہ حکیم اللہ محسود کو ڈرون حملے سے غلط وقت پر ہلاک کیا، اس کی ہلاکت خطے میں امن کوششوں کو متاثر کرسکتی ہے چونکہ پاکستان اور طالبان کے درمیان ابھی مذاکرات ابتدائی مرحلے میں تھے اس لئے وہ سمجھتے ہیں کہ حکیم اللہ محسود کی ہلاکت کے باوجود حکامت پاکستان کی امن کوششیں متاثر نہیں ہوں گی۔

واضھ رہے کہ جمعے کے روز شمالی وزیرستان میں امریکی ڈرون حملے کے نتیجے میں حکیم اللہ محسود اپنے دیگر 4 ساتھیوں سمیت ہلاک ہوگئے تھے جس کے بعد پاکستان نے امریکا کے ساتھ تعلقات پر ننظر ثانی کا فیصلہ کیا ہے۔