متحدہ عرب امارات میں سائیکل پرشراب اسمگلنگ کرنے والا غیرملکی شہری پکڑا گیا

53 سالہ غیرملکی سائیکل سوار کے سامان کی تلاشی لی تو اس کے بیگ سے شراب کی متعدد بوتلیں برآمد ہوئیں، پولیس۔ فوٹو:فائل

---

متحدہ عرب امارات میں پولیس نے سائیکل پر شراب اسمگل کرتے ہوئے ایک شہری کو گرفتار کر کے اس کے قبضے سے شراب کی متعدد بوتلیں برآمد کر لی۔

متحدہ عرب امارات کی ریاست راس الخیمہ کے علاقے الممورا کے پولیس حکام کا کہنا تھا کہ پیٹرولنگ پولیس نے سائیکل پر سوار ایک 53 سالہ غیرملکی شہری کو روکا اور جب اس کے سامان کی تلاشی لی گئی تو اس کے بیگ سے شراب کی متعدد بوتلیں برآمد ہوئیں، پولیس کا کہنا تھا کہ گرفتار شخص نے شراب کی اسمگلنگ کا اعتراف کرتے ہوئے بتایا کہ وہ شراب سائیکل کے ذریعے گھروں میں اسمگل کرتا تھا تاہم پولیس نے فوری طورپر اس کی شہریت بتانے سے گریزکیا۔