چڑیا گھر میں چیتے نے ایک شخص کو گردن سے دبوچ لیا ویڈیو وائرل

چڑیا گھر کے عملے نے چیتے کو بے ہوش کردینے والی گولی مار کر سوڈانی شخص کو چنگل سے آزاد کرالیا

ویب ڈیسک December 24, 2019

چڑیا گھر کے عملے نے بھپرے ہوئے چیتے پر بے ہوش کردینے والی گولیاں برسائیں، فوٹو : ویڈیو گریب

JERUSALEM: سعودی عرب کے چڑیا گھر میں ایک شخص چیتے کے کے لیے بنائے گئے علاقے میں گر گیا جس پر خونخوار چیتے نے مذکورہ شخص کی گردن دبوچ کر اسے بے بس کردیا۔

سعودی میڈیا کے مطابق دارالحکومت ریاض کے چڑیا گھر میں سوڈانی شخص بھپرے ہوئے چیتے کے علاقے میں گر گیا جسے فوری طور پر چیتے نے گردن سے دبوچ لیا۔ سوڈانی شخص بالکل بے بس ہوگیا۔

#حديقة_حيوان_الرياض
الان هجوم نمر ع شخص pic.twitter.com/fQIBZnIBan
— بسام بن عبدالله (@sam400ls) December 21, 2019

خوش قسمتی سے چڑیا گھر کے ملازمین نے یہ واقعہ دیکھ لیا اور فوری طور پر چیتے کو بے ہوش کردینے والی گولی ماری، چیتا بے ہوش ہو گیا تو سوڈانی شخص کو اسپتال لے جایا گیا جہاں اس کی جان بچالی گئی ہے۔

چیتے کا شکار بننے والے شخص کی گردن اور ریڑھ کی ہڈی میں شدید زخم آئے ہیں۔ چیتے کے سوڈانی شخص کو دبوچنے کی ویڈیو سوشل میڈیا پر وائرل ہوگئی۔ صارفین نے چڑیا گھر کے عملے کی مہارت اور احساس ذمہ داری کی تعریف کی۔