برطانیہ سے ملنے والے 190 ملین پاؤنڈ کو خفیہ رکھنے کیخلاف سپریم کورٹ میں درخواست دائر

رازداری شق کے باعث کابینہ کو بند کمرے میں نوٹ پر بریفنگ دی گئی، درخواست میں موقف

---

برطانیہ سے ملنے والے 190 ملین پاؤنڈ کی تفصیلات کو خفیہ رکھنے کے خلاف سپریم کورٹ میں درخواست دائر کردی گئی۔

شہری محمود اختر نقوی نے دائر درخواست میں موقف اختیار کیا ہے کہ نیشنل کرائم ایجنسی کے ساتھ طے پانے والی مفاہمت کے تحت پاکستان کو 190 ملین ملے، وفاقی کابینہ نے مفاہمت کے'' نوٹ'' کے پیرا نمبر 10 کو خُفیہ رکھنے کا حکم دیا ہے، پیرا نمبر 10 کے ساتھ نوٹ لکھا گیا کہ اسے خفیہ رکھا جائے۔

دائر درخواست میں یہ بھی کہا گیا ہے کہ رازداری شق کے باعث کابینہ کو بند کمرے میں نوٹ پر بریفنگ دی گئی۔ سیکریٹری وزارت کیبنٹ ڈویژن حکومت پاکستان کو طلب کرکے معلومات لی جائیں۔ کابینہ سے پوچھا جائے کہ پیرا نمبر 10 کو خفیہ رکھنے کی کیا وجوہات ہیں؟ 22 کروڑ کے سامنے تفصیلات آنا نہایت ضروری ہے ہیں۔