قازقستان میں طیارہ 100 مسافروں سمیت گر کر تباہ

حکام نے حادثے میں اب تک 14 افراد کی ہلاکتوں کی تصدیق کردی، برطانوی میڈیا

ویب ڈیسک December 27, 2019

جہازپہلے ایک پتھر کے بیریئرسے ٹکرایا اور پھر دومنزلہ عمارت سے جاکر ٹکراگیا: فوٹو: ٹوئٹر

KARACHI: قازقستان کے شہر الماتے میں مسافرطیارہ اڑان کے فورا بعد گرگیا جس میں 100 مسافرسوارتھے۔

برطانوی میڈیا کے مطابق قازقستان میں الماتے ایئرپورٹ پر مسافرطیارہ اڑان کے فورا بعد ہی ہوائی اڈے کے پاس گرگیا۔ جہاز اڑان بھرتے ہی اچانک تیزی سے نیچے آیا اور ایک پتھرکے بیریئرسے ٹکرانے کے بعد دومنزلہ عمارت سے ٹکراگیا۔

Bek Air #Z92100 crashed shortly after takeoff from Almaty this morning. Preliminary ADS-B data is available at https://t.co/mZRiDsJVkx. We are currently retrieving and processing granular ADS-B data for this flight. pic.twitter.com/n0G5sujqiM
— Flightradar24 (@flightradar24) December 27, 2019

طیارے میں 95 مسافراورعملے کے پانچ اہلکارسوار تھے جبکہ حادثے میں 14 ہلاکتوں کی تصدیق ہوگئی ہے اور امدادی کارروائیاں جاری ہیں۔

طیارے کی منزل قازقستان کا دارالحکومت نورسلطان تھا۔ واقعے کی تحقیقات کے لیے خصوصی کمیٹی تشکیل دے دی گئی ہے۔

قازقستان کے صدر قاسم جومارت نے حادثے پرگہرے دکھ کا اظہارکیا اورلواحقین سے تعزیت کرتے ہوئے کہا کہ غفلت کے مرتکب تمام ذمہ داروں کو قانون کے مطابق سخت سزا دی جائے گی۔