ٹنڈوالہیار اہل محلہ نے ڈخیتی کی کوشش ناکام بنا دی 2ڈاکو پکڑ لیے

شہریوں نے 2ڈاکو رنگے ہاتھوں پکڑ کر تشدد کے بعد پولیس کے حوالے کردیے۔

---

ٹنڈوالٰہیار تھانے سے چند کلو میٹر کے فاصلے پر گوٹھ میں اہل محلہ نے ڈکیتی کی واردات ناکام بنادی۔

شہریوں نے 2ڈاکو رنگے ہاتھوں پکڑ کر تشدد کے بعد پولیس کے حوالے کردیے۔ ایک ڈاکو بھاگتے ہوے گندے نالے میں گر گیا، گھیراؤ کے باوجود فرار ہونے میں کامیاب۔ تفصیلات کے مطابق ٹنڈوالٰہیار کی میرشاہ محمد کالونی میں 3 نامعلوم ملزمان ڈکیتی کی نیت سے غلام نبی آرائیں کے گھر میں داخل ہوئے، اہل خانہ کے شور مچانے پر محلے والے جمع ہوگئے، ڈاکو بوکھلا کر بھاگنے لگے۔



تاہم لوگوں نے 2 ڈاکوؤں کو دبوچ لیا اور ان پر تشدد شروع کردیا۔ بعدازاں انھیں پولیس کے حوالے کردیا گیا جبکہ ایک ڈاکو فرار ہوگیا، پولیس کے مطابق حراست میں لیے جانے والے ڈاکوؤں کی گل حسن اور علی حسن ڈاوچ کے ناموں سے شناختہوئی ہے جن کا تعلق دادفر سے بتایا جاتا ہے جبکہ تیسرے ڈاکو کا نام تاحال سامنے نہیں آیا۔ ڈی ایس پی کا کہنا ہے کہ تحقیقات جاری ہیں، قبل ازوقت کچھ نہیں کہا جاسکتا۔