نوكنڈی میں اے این ایف كی كارروائی بھاری مقدار میں منشیات اور اسلحہ برآمد

ملزمان نے یک مچ كے نواحی علاقے میں زیر زمین ایک ہزار كلو ہیروئن چھپائی تھی، اے این ایف ۔ فوٹو : فائل

---

اینٹی نارکو ٹکس فورس (اے این ایف) نے نوکنڈی اور یک مچ میں كارروائی کرکے بھاری مقدار میں منشیات اور اسلحہ برآمد كرلیا۔

نوكنڈی پولیس اسٹیشن كے اے ڈی حبیب اللہ خان كی سربراہی میں اے این ایف نے 2 مختلف كارروائیوں میں بھاری مقدار میں منشیات، اسلحہ، میگزین اور رؤانڈز برآمد كرلئے۔

اے این ایف نے یک مچ كے نواحی علاقے سے زیر زمین چھپائی گئی ایک ہزار كلو ہیروئن جب كہ دوسری كاروائی میں آزاد لانڈی كے قریب 2 عدد كلاشنكوف، 6 عدد میگزین، 160 راؤنڈز، 20 كلو گرام چرس، 11 كلو 700 گرام افیون برآمد كرلی۔

اے این ایف کے مطابق کارروائی کے دوران فائرنگ كے تبادلے كے بعد ملزمان منشیات اور اسلحہ چھوڑ كر رات كی تاریكی كا فائدہ اٹھاتے ہوئے فرار ہونے میں كامیاب ہوگئے۔