کنڈیارو میں قومی شاہراہ پر مسافر کوچ حادثے کا شکار ہوگئی جس کے نتیجے میں تین افراد ہلاک متعدد زخمی ہوگئے۔
ایکسپریس نیوز کے مطابق کنڈیارو میں قومی شاہراہ کے قریب مسافر کوچ موڑ کاٹتے ہوئے ٹرک سے جا ٹکرائی جس کے نتیجے میں کوچ میں شریک مسافروں میں ایک بچی سمیت تین افراد ہلاک ہوگئے۔نمائندہ ایکسپریس کے مطابق حادثہ تیز رفتاری کے باعث پیش آیا،کوچ میں 50 کے قریب مسافر سوار تھے اورکوچ مانسہرہ سے کراچی آرہی تھی۔حادثے کے بعد مقامی لوگوں نے امدادی کارروائیاں شروع کردی ہیں،ہلاک و زخمی ہونے والوں کو قریبی اسپتال پہنچایا جارہا ہے جبکہ حادثے کے باعث ہلاکتوں میں خدشہ بھی ظاہر کیا جارہا ہے ۔