عالمی مارکیٹ کے بعد پاکستان میں بھی سونے کی قیمت کو پر لگ گئے

عالمی مارکیٹ میں سونا 4 ڈالر بڑھ کر 1522 ڈالر فی اونس ہوگیا۔ فوٹو:فائل

---

عالمی مارکیٹ میں سونے کی فی اونس قیمت 4 ڈالر جب کہ ملکی صرافہ مارکیٹوں میں سونے کی فی تولہ اور دس گرام قیمت میں بالترتیب 150 روپے اور 129 روپے کا اضافہ ہوا۔

ایکسپریس نیوز کے مطابق عالمی بلین مارکیٹ میں سونے کی فی اونس قیمت میں 4 ڈالر کا اضافہ ہوا اور عالمی بازار میں سونے کی فی اونس قیمت 1522 ڈالر پر پہنچ گئی، عالمی مارکیٹ کے بعد پاکستان میں بھی سونے کی قیمتوں کو پر لگ گئے اور مقامی صرافہ مارکیٹوں میں سونے کی فی تولہ اور دس گرام قیمت میں بالترتیب 150 روپے اور 129 روپے کا اضافہ ہوگیا۔

قیمتوں میں اضافے کے نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 88 ہزار 300 روپے دس گرام سونے کی قیمت اضافے کے ساتھ 75 ہزار 703 روپے ہوگئی، اس کے برعکس فی تولہ چاندی کی قیمت 50 روپے کمی کے بعد 1020 روپےاور دس گرام چاندی کی قیمت بغیر کسی تبدیلی کے917 روپے35 پیسے پر مستحکم رہی ہے۔