بھارت کو جامع مذاکرات کا سلسلہ بحال کرنا چاہئے سلمان بشیر

دونوں ممالک میں تعلقات بہتر ہونے سے تجارت سمیت ہر شعبے میں پیش رفت ہو گی، سلمان بشیر. فوٹو: فائل

---

KARACHI:

بھارت میں تعینات پاکستانی ہائی کمشنر سلمان بشیر نے کہا ہے کہ بھارت کو جامع مذاکرات کا سلسلہ بحال کرنا چاہئے۔

نئی دہلی میں میڈیا سے بات کرتے ہوئے پاکستانی ہائی کمشنر سلمان بشیر کا کہنا تھا کہ پاکستان اور بھارت کو ماضی یا حال کا قیدی بنے رہنے کی بجائے مستقبل کی طرف بڑھنا چاہئے، تعلقات کی بہتری کے لئے پاکستان اور بھارت کے درمیان مذاکرات جلد شروع ہونے چاہئیں۔ سلمان بشیر کا کہنا تھا کہ دونوں ممالک میں تعلقات بہتر ہونے سے تجارت سمیت ہر شعبے میں پیش رفت ہو گی۔