شاہ رخ خان ایڈن گارڈنز میں ٹنڈولکر کی دوسری اننگز کا نظارہ کریں گے

سچن کی ریٹائرمنٹ کاسن کر مجھے اچھا نہیں لگا۔ فوٹو: فائل

---

بالی ووڈ اسٹار شاہ رخ خان کولکتہ میں سچن ٹنڈولکر کی دوسری اننگز کا نظارہ کریں گے۔

ممبئی کے وانکھیڈے اسٹیڈیم میں داخلے پر پابندی کی وجہ سے شاہ رخ ایڈن گارڈنز میں ہی اپنے پسندیدہ کرکٹر کو آخری بار ایکشن میں دیکھنا چاہتے ہیں، انھوں نے کہا کہ میں ایک فلم فیسٹیول کیلیے کولکتہ جارہا ہوں جہاں ٹنڈولکر کیلیے آخری بار گرائونڈ میں تالیاں بجانا چاہتا ہوں،یہاں پر کچھ ایسے مقامات (وانکھیڈے اسٹیڈیم ) بھی ہیں جہاں پر میرے لیے جگہ نہیں ہے۔ شاہ رخ نے سچن ٹنڈولکر کی ریٹائرمنٹ کے اعلان پر بھی افسوس ظاہر کرتے ہوئے کہا کہ میں اس وقت آسٹریلیا میں تھا اس لیے یہ خبر تاخیر سے ملی،ان کی ریٹائرمنٹ کاسن کر مجھے اچھا نہیں لگا مگر یہ ان کا اپنا فیصلہ اور اب انھیں کچھ عرصے آرام کرنا چاہیے۔