اسرائیلی فوج کی مقبوضہ بیت المقدس اورمغربی کنارے میں فائرنگ 2 فلسطینی شہید

مقبوضہ بیت القدس میں 23 سالہ انس الطراش اور مغربی کینال میں 29 سالہ فلسطینی شہری کوفائرنگ کرکے شہید کردیاگیا،خبرایجنسی فوٹو: اے ایف پی

---

JOHI: اسرائیلی فوج نے مقبوضہ بیت المقدس اورمغربی کنارے میں فائرنگ کرکے 2 فلسطینیوں کو شہید کردیا۔

غیرملکی خبر رساں ادارے کے مطابق اسرائیلی افواج نے مقبوضہ بیت المقدس کے قریب چیک پوسٹ پر 23 سالہ انس الطراش نامی فلسطینی نوجوان کو فائرنگ کرکے شہید کردیا۔ اسرائیلی پولیس نے الزام عائد کیا ہے کہ نوجوان نے چیک پوسٹ پر تعنیات اہلکاروں پر چھری کے ذریعے حملہ کرنے کی کوشش کی، شہید ہونے والے نوجوان کے والد کا کہنا تھا کہ ان کے 2 بیٹے اپنی گاڑی میں چیک پوسٹ پر چیکنگ کے لیے رکے ہوئے تھے کہ اسرائیلی فوجیوں نے زبردستی ان کے بیٹے کو گاڑی سے نکالنے کی کوشش کی تاہم مزاحمت پر اسے فائرنگ کرکے شہید کردیا جب کہ دوسرے بیٹے کو گرفتار کرلیا۔

اس سے قبل اسرائیلی افواج نے مغربی کینال کے علاقے میں بھی ایک 29 سالہ فلسطینی شہری کو فائرنگ کرکے شہید کردیا تھا۔