طلبہ پر تشدد ٹوئنکل کھنہ اور سونم کپور بھی مودی سرکار کے خلاف میدان میں آگئیں

ھارت ایسا ملک ہے جہاں طلبہ سے زیادہ گائے کو تحفظ دیا جاتا ہے، ٹوئنکل کھنہ۔ فوٹو: فائل

---

UNITED NATIONS: بھارت بھر میں ہندو انتہا پسندوں کی جانب سے طلبہ پر تشدد کئے جانے کے خلاف اداکارہ ٹوئنکل کھنہ اور سونم کپور بھی مودی سرکار کے خلاف میدان میں آگئیں۔

ٹوئنکل کھنہ نے ٹوئٹر پر ایک اخبار کی تصویر شیئر کی جس کی سرخی میں موجودہ بھارتی صورتحال کے حوالے سے یہ لکھا ہوا ہے کہ گزرے ہوئے کل میں علی گڑھ مسلم یونورسٹی کو نشانہ بنایا گیا تھا ، آج جواہر لعل نہرو یونیورسٹی کو نشانہ بنایا گیا جب کہ آنے والے کل میں ان کا نشانہ آپ لوگ ہوں گے۔

ٹوئنکل کھنہ نے تصویر کے ساتھ بھارت کا حقیقی چہرہ بے نقاب کرتے ہوئے یہ بھی لکھا کہ بھارت ایسا ملک ہے جہاں طلبہ سے زیادہ گائے کو تحفظ دیا جاتا ہے۔ یہاں گائے ذبح کرنے پر پابندی تو ہے لیکن طلبہ پر تشدد کرنے پر کوئی پابندی نہیں ہے۔

India,where cows seem to receive more protection than students, is also a country that now refuses to be cowed down. You can’t oppress people with violence-there will be more protests,more strikes,more people on the street. This headline says it all. pic.twitter.com/yIiTYUjxKR

— Twinkle Khanna (@mrsfunnybones) January 6, 2020

ٹوئنکل کھنہ نے مودی سرکار پر تنقید کرتے ہوئے یہ بھی کہا کہ آپ احتجاج کرنے والے طلبہ مظاہرین کو تشدد کے ذریعے روک نہیں سکتے کیوں کہ ایسا کرنے سے مزید لوگ سڑکوں پر آئیں گے ،احتجاج ہوں گے اور ہڑتالیں ہوں گی۔ اور شیئر کردہ یہ تصویر اسی بات کی عکاسی کرتی ہے۔

[instagram-post url="https://www.instagram.com/p/B6_Y1_5FPil/"]

دوسری جانب سونم کپور نے انسٹا گرام پر بھی تشدد کے واقعے پر لب کشائی کرتے ہوئے کہا کہ یہ ہمارے ملک میں کیا ہورہا ہے جو کچھ بھی ہورہا ہے اور بہت عجیب اور ناقابلِ شناخت ہے۔ مجھے نہیں معلوم کہ یہ کیوں شروع ہوا ہے۔ جب جب آپ کی رائے و آواز بلند ہو یا غیر مقبول ہو تو پوشیدہ سچائی یہی ہوتی ہے کہ آپ کو اس کی سزا ملتی ہے۔ لیکن اب تو یہ بات کھل کر سامنے آچکی ہے اور میں اس روش سے ٖخوفزدہ ہوں۔ میری حمایت اور تائید جواہر لعل یونیورسٹی کے طالبعلموں کے ساتھ ہے جنہوں نے شاید مجھ سے بھی زیادہ بہادری کا مظاہرہ کیا ہے۔

یہ خبر بھی پڑھیں: جواہر لعل یونیورسٹی میں ہندو انتہا پسندوں کے حملے میں زخمی طلبا پر ہی مقدمہ

واضح رہے کہ آر ایس ایس اور بجرنگ دل کے حامی شرپسندوں نے سب سے پہلے علی گڑھ مسلم یونیورسٹی پر حملہ کیا تھا اور اس کے بعد جواہر لعل نہرو یونیورسٹی میں حملہ کرکے درجنوں افراد کو زخمی کردیا تھا۔ اس دوران انہوں نے طالبات اور اساتذہ کو بھی نشانہ بنایا تھا۔ جب کہ یہ حملہ منظم انداز میں کیا گیا تھا اور اس کی باقاعدہ منصوبہ بندی واٹس ایپ پر کی گئی تھی۔ حملہ آوروں نے وندے ماترم، جے ہند اور غداروں کی موت کے نعرے بھی بلند کئے تھے۔