ڈیل اسٹین کے اوور نے چوتھے ون ڈے کا نقشہ تبدیل کردیا مصباح الحق

مورن مورکل کے 46ویں اوور میں بھی صرف 2رنز بننے سے ہماری ٹیم پر دباؤ آیا. فوٹو: فائل

---

پاکستانی کپتان مصباح الحق نے کہا ہے کہ ڈیل اسٹین کے اوور نے میچ کا نقشہ تبدیل کردیا۔

اختتامی پانچ اوور تک ہم اچھی پوزیشن میں تھے لیکن اسٹین نے2 سیٹ بیٹسمینوں کو پویلین چلتا کرکے مشکلات کا شکار کیا، مصباح نے کہا کہ اختتامی 30 گیندوں پر41کا ہدف قابل حصول تھا، اسٹین سے قبل مورن مورکل کے 46ویں اوور میں بھی صرف 2رنز بننے سے ہماری ٹیم پر دبائو آیا، ہم نے فیلڈنگ میں بھی چند مواقع ضائع کیے، جس کا خمیازہ شکست کی صورت میں بھگتنا پڑا ، ہم سے چند رن آئوٹ کے مواقع بھی ضائع ہوئے، انھوں نے ڈیبیو پر عمدہ اننگز کھیلنے والے صہیب مقصود کی ستائش کی۔