رابی پیرزادہ کا خود پرتنقید کرنے والوں کو بھرپور جواب

اللہ کی برکت آپ کی باتوں اور ظرف سے بہت بڑی ہے، رابی پیرزادہ فوٹوفائل

---

سابق گلوکارہ سابق پیرزادہ نے خود پر تنقید کرنے والوں کو ویڈیو کو ذریعے جواب دیا ہے۔

شوبز چھوڑ کر دین کی راہ اپنانے والی سابق گلوکارہ رابی پیرزادہ آج کل اپنا وقت قرآنی آیات کو خوشنما طریقے سے لکھنے یعنی کیلیگرافی کرنے میں گزاررہی ہیں اور اکثرسوشل میڈیا پراپنی خطاطی کی تصاویراور ویڈیوز شیئر کرتی رہتی ہیں۔

چند روز قبل رابی پیرزادہ نے کیلیگرافی کرتے ہوئے ویڈیوسوشل میڈیا پر شیئر کی تھی جس کے ساتھ اپنی کیلیگرافی کے آرٹ کی نمائش کا اعلان کرتے ہوئے لکھا تھا ''جب اللہ کے راستے پر چلتے ہیں تو اللہ خود راستہ دکھاتا ہے، رابی کی کیلیگرافی کی نمائش جلد ہی ہوگی انشااللہ۔''

اس خبرکوبھی پڑھیں: مجھے دین سیکھنا اور اسے پھیلانا ہے، رابی پیرزادہ کا نئے سال میں عہد

رابی پیرزادہ کی ویڈیو شیئر کرنے کے بعد جہاں بہت سے لوگوں نے ان کے اس اقدام کو سراہا اور انہیں لگن سے کام کرنے کی دعائیں دیں۔ وہیں کچھ لوگوں نے انہیں تنقید کا نشانہ بناتے ہوئے کہا کہ یہ نمودونمائش کرنا بندکرو۔ ایک شخص نے کہا رابی چپکے سے رب کو راضی کرو دنیا کو کوئی راضی نہیں کرپایا آج تک۔

اس خبرکوبھی پڑھیں: رابی پیرزادہ کا ویڈیو لیک کرنیوالوں کے لیے پیغام

ایک شخص نے تو یہ تک لکھ دیا کہ مجھے نہیں لگتا یہ آپ نے لکھا ہے کیونکہ خط ثلث خط کوفی ایسے ہی راہ چلتے ہوئے نہیں سیکھے جاسکتے اس کو سیکھنے کے لیے راتوں کو جاگ کر مشقیں کرنی پڑتی ہیں پھر کہیں جاکر کچھ روانگی آتی ہے۔ تاہم اس تبصرے کے ساتھ انہوں نے رابی کی کیلیگرافی کی تعریف بھی کی۔

مجھے نہیں لگتا کہ یہ آپ نے لکھا ھے کیونکہ خط ثلث خط کوفی ایسے ہی راہ چلتے ہوئے نہیں سیکھے جا سکتے اس کو سیکھنے کیلئے راتوں کو جاگ کر مشقیں کرنی پڑتی ہیں پھر کہیں جا کے کچھ روانگی آتی ھے 🙂 ویسے ماشاءاللہ بہت اچھا ھے

— SAGAR OFFICIAL (@saagram5) January 8, 2020

رابی پیرزادہ نے اپنی کیلیگرافی پر تنقید کرنے والوں کو جواب دیتے ہوئے دو ویڈیوز شیئر کی ہیں جن میں وہ قرآنی آیات کو خوشنما طریقے سے لکھتی ہوئی نظر آرہی ہیں۔ ویڈیو کے ساتھ رابی نے لکھا جو لوگ یہ سمجھتے ہیں کہ یہ رابی نہیں ہے وہ یہ جان لیں اللہ کی برکت آپ کی باتوں اور ظرف سے بہت بڑی ہے۔ اگر اللہ شیر، سانپ اور موذی جانوروں سے دوستی کراسکتا ہے تو ہنر دینا اس کے لیے کیا مشکل ہے۔

اور جو لوگ یہ سمجھتے ہیں یہ رابی نہیں ہے۔ وہ یہ جان لیں اللہ کی برکت آپ کی باتوں اور ظرف سے بہت بڑی ہے۔ اگر اللہ شیر، سانپ اور موذی جانوروں سے دوستی کرا سکتا ہے، تو ہنر دینا اسکے لیے کیا مشکل ہے۔
1/1 pic.twitter.com/KZ7KruT5Mc

— Rabi Pirzada (@Rabipirzada) January 10, 2020

واضح رہے رابی پیرزادہ میں تبدیلی گزشتہ برس اس وقت آئی تھی جب ان کے موبائل فون سے ان کی کچھ نجی ویڈیوز اورتصاویر لیک ہوگئی تھیں جس کے بعد رابی پیرزادہ نے خدا سے اپنے گناہوں کی معافی مانگتے ہوئے شوبز سے کنارہ کشی اختیار کرنے کا اعلان کیا تھا اور کہا تھا کہ اب وہ اپنی باقی زندگی دین اسلام کے مطابق گزاریں گی۔

pic.twitter.com/9nHdfpW8Cy

— Rabi Pirzada (@Rabipirzada) January 9, 2020