یوکرین کا ایران سے طیارہ مار گرانے کے ذمہ داروں کو سزا دینے کا مطالبہ

حکومتی سطح پر معذرت، لاشیں واپس، لواحقین کو معاوضہ اور بغیر تاخیری حربے کے ذمہ داروں کو کٹہرے میں لایا جائے، مطالبات

ویب ڈیسک January 11, 2020

تاخیری حربوں کے بغیر ذمہ داروں کو قانون کے کٹہرے میں لایا جائے، یوکرین صدر کا مطالبہ (فوٹو: فائل)

ایران کی جانب سے غلطی سے طیارے کو نشانہ بنانے کے اعتراف کے بعد یوکرین کے صدر ولادی میر زیلینسکی نے ذمہ داروں کو سخت سزا دینے اور لواحقین کو معاوضے کی ادائیگی کا مطالبہ کیا ہے۔

ایران نے یوکرین کے مسافر بردار طیارے کے تباہ ہونے کی ذمہ داری قبول کرتے ہوئے اس عمل کو نادانستہ غلطی قرار دیا جس کے بعد یوکرین کے صدر ولادی میر زیلینسکی نے سماجی رابطے کی ویب سائٹ ٹویٹر پر لکھا کہ 'آج کی صبح سچ سامنے لائی ہے تاہم یوکرین اصرار کرتا ہے کہ ایران 'غلطی' کو مکمل طور پر تسلیم کرے۔

صدر ولادی میر زیلینسکی نے مزید لکھا 'ہم توقع کرتے ہیں کہ ایران طیارے کو تباہ کرنے کے ذمہ داروں کو قانون کے شکنجے میں جکڑے گا، مسافروں کی لاشیں واپس کی جائیں گی، لواحقین کو معاوضہ ادا کیا جائے گا اور حکومتی سطح پر معذرت کی جائے گی۔

یہ بھی پڑھیں: ایران میں یوکرین کا مسافر بردار طیارہ گر کر تباہ

یوکرین کے صدر ولادی میر زیلینسکی نے اپنی ٹویٹ میں ایرانی حکومت سے یہ بھی مطالبہ کیا کہ حادثے کے ذمہ داروں کا تعین کرنے کے لیے مکمل، کھلی ، شفاف اور کسی تاخیری حربے و رکاوٹ کے بغیر تحقیقات کی جائے۔

This morning brings the truth.
Ukraine insists on a full admission of guilt. We expect Iran to bring those responsible to justice, return the bodies, pay compensation and issue an official apology. The investigation must be full, open & continue without delays or obstacles.
— Volodymyr Zelenskyy / Володимир Зеленський (@ZelenskyyUa) January 11, 2020

قبل ازیں کینیڈا کے وزیراعظم جسٹن ٹروڈو کی جانب سے جاری بیان میں بھی ایرانی حکومت سے ہلاک ہونے والوں مسافروں کے لواحقین کو معاوضے کی ادائیگی کا مطالبہ کیا تھا۔ہلاک ہونے والے مسافروں کی بڑی تعداد کینیڈی شہریوں کی تھی۔

Armed Forces’ internal investigation has concluded that regrettably missiles fired due to human error caused the horrific crash of the Ukrainian plane & death of 176 innocent people.
Investigations continue to identify & prosecute this great tragedy & unforgivable mistake. #PS752
— Hassan Rouhani (@HassanRouhani) January 11, 2020

واضح رہے کہ ایرانی فوج نے اپنے ایک بیان میں یوکرین کے طیارے کو غیر اردای طور پر مار گرانے کا اعتراف کیا تھا اور اس اقدام کو انسانی غلطی قرار دیتے ہوئے ذمہ داروں کا کورٹ مارشل کرنے کا اعلان کیا تھا۔ ایرانی صدر حسن روحانی نے بھی اپنی ٹویٹ میں لکھا تھا کہ تحقیقات سے ثابت ہوگیا کہ یوکرین طیارے کو غلطی سے نشانہ بنایا گیا جس میں 176 معصوم افراد ہلاک ہوگئے۔

The Islamic Republic of Iran deeply regrets this disastrous mistake.

My thoughts and prayers go to all the mourning families. I offer my sincerest condolences. https://t.co/4dkePxupzm
— Hassan Rouhani (@HassanRouhani) January 11, 2020