یادگار ڈرامہ ’تنہائیاں‘ کے اداکار سعد سلمان انتقال کرگئے

طاہر حاتمی نے ’سعد سلمان‘ کے کردار سے عوامی شہرت حاصل کی تھی، فوٹو : فائل

---

پی ٹی وی کے سنہری دور کے یادگار ترین ڈرامے 'تنہائیاں' میں سعد سلمان کا کردار نبھانے والے اداکار اور ماڈل عامر حاتمی خالق حقیقی سے جا ملے۔

پاکستان ٹیلی وژن سے 80 کی دہائی میں نشر ہونے والے کے کامیاب ترین ڈرامے 'تنہائیاں' کے خوبصورت اور وجیہ کردار 'سعد سلمان' کو حقیقت کے قریب ترین نبھانے والے عامر حاتمی جہاں فانی سے کوچ کر گئے۔

اداکار اور ماڈل عامر حاتمی نے صرف شوبز کو ہی اپنا کیریر نہیں بنایا اس لیے وہ کئی عرصے سے منظرعام سے غائب تھے۔ سماجی رابطے کی ویب سائٹ ٹویٹر پر صحافی فیفی ہارون نے ان کے انتقال کی افسوناک خبر دی۔ تاہم ان کے انتقال کی وجہ اور دیگر تفصیلات معلوم نہیں ہوسکی ہیں۔

With great regret Im announcing the sad demise of Amir Hatmi. You may remember him as Saad Salman cast opp Shehnaz Sheikh in Tanhaiyan.
Amir, a talented model, had a brief acting career. A lovely guy with more than his fair share of life's troubles.

You will be missed Amir, RIP pic.twitter.com/4UKgIh2KWJ

— Fifi Haroon (@fifiharoon) January 10, 2020

عامر حاتمی نے ماڈلنگ بھی کی ہے تاہم انہوں نے ڈرامہ تنہائیاں سے مقبولیت کی بلندی کو چھوا، ان کی آواز میں مردانہ وجاہت اور اداکاری میں پختگی نے مداحوں کے دل جیت لیے تھے۔ حسینہ معین کے لکھے ہوئے اس ڈرامے نے مقبولیت کے تمام ریکارد توڑ دیئے تھے۔