قندیل بلوچ کے بعد مفتی قوی کی حریم شاہ کے ساتھ بھی تصویر وائرل

سوشل میڈیا پر لوگ حریم شاہ کو قندیل بلوچ سے منسلک کررہے ہیں فوٹوسوشل میڈیا

---

متنازع ٹک ٹاک اسٹار حریم شاہ کی مفتی عبدالقوی کے ساتھ وائرل ہونے والی تصویر نے سوشل میڈیا پر ہنگامہ مچادیا۔

پاکستان کی متنازع سوشل میڈیا اسٹار قندیل بلوچ کے ساتھ اسکینڈل کے بعد مفتی عبدالقوی کی اب ٹک ٹاک اسٹار حریم شاہ کے ساتھ تصویر سوشل میڈیا پر وائرل ہورہی ہے۔ تصویر میں دونوں ایک ساتھ کھڑے ہوئے ہیں۔

اس خبرکوبھی پڑھیں: حریم شاہ کا پاکستان چھوڑ کر کینیڈا منتقل ہونے کا اعلان

سوشل میڈیا پر اس تصویر کو لے کر ہنگامہ مچاہوا ہے۔ لوگ حریم شاہ اور مفتی قوی کی تصویرپر تشویش کا اظہار کرتے ہوئے حریم شاہ کو قندیل بلوچ سے منسلک کررہے ہیں۔ محمد شفیق نامی صارف نے لکھا اس لڑکی نے مفتی قوی سے کیوں ملاقات کی ؟ کیا مفتی قوی دوبارہ خبروں میں آنا چاہتے ہیں یا پھر حریم شاہ کا انجام بھی قندیل بلوچ کی طرح ہوگا؟

Why do all such girls meeting with Mufti Qavi?

Will Mufti be in news again or will #HareemShah end up like Qandeel Baloch? #hareem pic.twitter.com/XUN1gUwBFh

— Muhammad Shafiq (@IslooJournalist) January 12, 2020

دوسری جانب سوشل میڈیا پر چلنے والی خبروں کے مطابق مفتی قوی کا اس تصویر کے حوالے سے کہنا ہے کہ ان کی حریم سے ملاقات اسلام آباد میں ہوئی تھی جہاں حریم نے ان کے ساتھ سیلفی لینے کی خواہش ظاہر کی جس پر انہوں نے اجازت دے دی تھی۔

اس خبرکوبھی پڑھیں: قندیل بلوچ قتل کیس میں مفتی عبدالقوی گرفتار

واضح رہے کہ پاکستان کی متنازع ترین سوشل میڈیا اسٹار قندیل بلوچ کی مفتی قوی کے ساتھ سیلفی نے سوشل میڈیا پر ہنگامہ مچادیا تھا تاہم وہ قندیل بلوچ کی آخری سیلفی ثابت ہوئی تھی۔

اس خبرکوبھی پڑھیں: شیخ رشید میرے بہنوئی ہیں، حریم شاہ

اس واقعے کے بعد قندیل بلوچ کو اس کے بھائی نے قتل کردیا تھا۔ قندیل بلوچ قتل کیس میں دیگر ملزمان کے ساتھ مذہبی اسکالر مفتی عبدالقوی کو بھی گرفتار کیا گیا تھا تاہم گزشتہ برس ستمبر میں عدالت کی جانب سے مفتی قوی کو بری کردیا گیا تھا۔