لاہور ایئرپورٹ پر خاتون مسافر کے سامان سے پستول کی گولیاں برآمد

مسافر خاتون جدہ جارہی تھیں فوٹو: فائل

---

علامہ اقبال انٹرنیشنل ایئرپورٹ پر تعینات سیکیورٹی اہلکاروں نے خاتون مسافر کے سامان سے پستول کی گولیاں برآمد کرلیں۔

ایکسپریس نیوز کے مطابق لاہور کے علامہ اقبال انٹر نیشنل ایئرپورٹ پر تعینات ایئرپورٹ سیکیورٹی فورسز کے اہلکاروں نے چیکنگ کے دوران نجی ایئرلائن کی پرواز سے جدہ جانے والی خاتون کے سامان سے پستول کی گولیاں برآمد کرلیں۔



خاتون کا کہنا تھا کہ وہ بیگ ان کے بھائی کا ہے جس کے پاس نائن ایم ایم پستول کا لائسنس بھی موجود ہے، غلطی سے گولیاں اس بیگ میں رہ گئی ہیں۔