بھارتی فوجی قیادت کے بیانات علاقائی امن واستحکام پر اثرا انداز ہونگے کور کمانڈرز کانفرنس

خطے میں امن و سلامتی کے لیے پاکستان نے اہم خدمات سرانجام دی ہیں، جنرل قمر جاوید باجوہ فوٹو: آئی ایس پی آر

---

کورکمانڈرز کانفرنس میں اعلیٰ عسکری قیادت نے کہا ہے کہ بھارتی فوجی قیادت کے غیر ذمہ دارانہ بیان سے علاقائی امن و استحکام متاثر ہوسکتا ہے.

ترجمان پاک فوج کی جانب سے جاری بیان کے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی۔ جس میں قومی سلامتی، جیو اسٹریٹیجک و علاقائی سیکیورٹی، مقبوضہ کشمیر اور لائن آف کنٹرول کی صورتحال کا جائزہ لیا گیا۔ اجلاس کے دوران ایران امریکا تنازع کے تناظر میں مشرق وسطیٰ کی صورتحال پر بھی تفصیلی غور کیا گیا۔

Statements of Indian mil ldrship against Pak are irresponsible rhetoric with implications on regional peace and stability.
“We shall cont to play our resp & positive role for regional peace without compromising national security & def of motherland at whatever cost”, COAS.(2/2). pic.twitter.com/w2qMbZxiPi

— DG ISPR (@OfficialDGISPR) January 14, 2020

کور کمانڈرز کانفرنس میں بھارتی عسکری قیادت کے پاکستان کے خلاف اشتعال انگیز بیانات کا بھی نوٹس لیا گیا اور بھارتی عسکری قیادت کے پاکستان مخالف بیانات کو غیرذمہ دارانہ قرار دیا گیا۔ عسکری قیادت نے کہا کہ بھارتی عسکری قیادت کے بیانات کے علاقائی امن واستحکام پر اثرات ہوں گے۔

اجلاس کے دوران آرمی چیف نے کہا کہ خطے میں امن و استحکام کے لئے پاکستان تمام ممالک کے مقابلے میں سب سے زیادہ فعال کردار ادا کررہا ہے۔ مادر وطن کے دفاع اور قومی سلامتی پر کسی قسم کا سمجھوتہ کئے بغیر اپنا مثبت اور ذمہ دارانہ کردار ادا کرتے رہیں گے۔