آئل ٹینکر ٹریلر سے ٹکرا کر الٹ گیا آگ بھڑکنے سے 5 افراد زخمی

سکرنڈ کے قریب تیز رفتار آئل ٹینکر ٹرالر سے ٹکرا کر الٹ گیا، تیل بہہ گیا، 2 موٹر سائیکل بھی تیل میں سلپ ہوگئیں، ٹینکر میں آگ لگنے کے باعث 2 موٹر سائیکلیں جل گئیں، 5 افراد جھلس کر زخمی۔

تفصیلات کے مطابق اتوار کی صبح سکرنڈ کے قریب قومی شاہراہ پر کراچی سے سکھر جانے والا آئل ٹینکر سامنے سے آنے والے ٹرالر سے ٹکرا کر الٹ گیا جس کے نتیجے میں آئل ٹینکر سے تیل بہہ گیا اوراس میں آگ لگ گئی جبکہ 2 موٹر سائیکلیں تیل میں سلپ ہوکر گر گئیں اور جل گئیں۔




جبکہ آئل ٹینکر کا ڈرائیور، کلینر اور 3موٹر سائیکل سوار بھی جھلس کر زخمی ہوگئے جن میں اکرم راہو، علی بخش، محمد صالح، امتیاز راہو اور سبحان شامل ہیں جنہیں پیپلز میڈیکل کالج اسپتال نواب شاہ داخل کرا دیا گیا ہے۔