وزیراعظم عمران خان کا آزاد کشمیر کا دورہ برفانی طوفان میں زخمی افراد کی عیادت

عمران خان کی برفانی طوفان سے متاثرہ افراد کو ہر ممکن مدد فراہم کرنے کی ہدایت

---

وزیراعظم عمران خان نے آزاد کشمیر کا دورہ کیا جہاں انہوں نے برفانی تودے گرنے سے زخمی ہونے والے افراد سے اسپتال میں ملاقات کی۔

وزیراعظم عمران خان اپنی تمام مصروفیات ترک کرکے آزاد کشمیر کے دورے پر پہنچ گئے۔ انہوں نے سی ایم ایچ مظفرآباد میں زخمیوں کی عیادت کی۔

وزیراعظم عمران خان کا مظفر آباد کا دورہ، آزاد کشمیر میں حالیہ بارشوں اور برفباری سے ہونے والے نقصانات کے بارے میں وزیراعظم عمران خان کو بریفینگ دی گئی، اسکے علاوہ وزیراعظم عمران خان نے ہسپتال میں مریضوں کی عیادت بھی کی۔@ImranKhanPTI pic.twitter.com/v3MpIbcVLZ

— PTI South Punjab (@PTISPOfficial) January 15, 2020

وزیراعظم کو وادی نیلم میں شدید برفباری سے ہونے والے جانی و مالی نقصان پر بریفنگ دی گئی۔ اس موقع پر آزاد کشمیر کے وزیراعظم اور صدر بھی ان کے ہمراہ تھے۔ عمران خان نے نیشنل ڈیزاسٹر مینجمنٹ اتھارٹی (این ڈی ایم اے) کو حالیہ قدرتی آفت سے متاثرہ افراد کو ہر ممکن مدد فراہم کرنے کی ہدایت کی۔

یہ بھی پڑھیں: وادی نیلم میں برفانی تودے سے مزید 5 لاشیں نکال لی گئیں

واضح رہے کہ وادی نیلم میں برفانی تودے گرنے سے جاں بحق افراد کی تعداد 76 ہوگئی ہے۔