قومی اسمبلی نے چیف جسٹس کی مدت ملازمت میں توسیع کا بل کثرت رائے سے مسترد کردیا

عدلیہ نے ملک میں تاریخی کام کئے اور آزاد عدلیہ نے ہی ملک میں جمہوری نظام کو مضبوط بنایا، جمشید دستی فوٹو: فائل

---

ISLAMABAD: قومی اسمبلی میں جمشید دستی کی طرف سے چیف جسٹس کی مدت ملازمت بڑھانے کا بل کثرت رائے سے مسترد کردیا گیا۔

رکن قومی اسمبلی جمشید دستی نے آئین میں ترمیم کا بل 2013 ایوان میں پیش کیا، ترمیمی بل پیش کرتے ہو ئے جمشید دستی نے کہا عدلیہ نے ملک میں تاریخی کام کئے اور آزاد عدلیہ نے ہی ملک میں جمہوری نظام کو مضبوط بنایا اس لئے عدلیہ کو مزید کام کا موقع دیا جائے اور چیف جسٹس کی ریٹائرمنٹ کی عمر 65 سے بڑھا کر 67 سال کی جائے۔

جمشید دستی کی جانب سے پیش کئے جانے والے آئینی ترمیمی بل پر حکومت نے چیف جسٹس کی ریٹائرمنٹ کی عمر بڑھانے کی مخالفت کی جس کے بعد ایوان نے رائے شماری میں کثرت رائے سے بل کو مسترد کر دیا۔