اداکار فیصل قریشی کے گھر ننھے مہمان کی آمد

فیصل قریشی کی دوبیٹیاں ہانش اور آیت ہیں

ویب ڈیسک January 19, 2020

فیصل قریشی نے اپنے بیٹے کانام فرمان قریشی رکھا ہے فوٹوفائل

اداکارومیزبان فیصل قریشی کے گھر ننھے مہمان کی آمد ہوئی ہے جس کی اطلاع انہوں نے مداحوں کے ساتھ سوشل میڈیا پر شیئر کی۔

شوبزانڈسٹری کے نامور اداکار وگیم شو کے میزبان فیصل قریشی نے گزشتہ روز سوشل میڈیا پر خوشخبری شیئر کرتے ہوئے کہا کہ وہ ایک پیارے سے بیٹے کے والد بن گئے ہیں۔ اس خوشخبری کے ساتھ فیصل قریشی نے اپنے بیٹے کے ساتھ تصویر بھی شیئر کی اور اپنے بیٹے کا نام بتاتے ہوئے کہا ماسٹر فرمان قریشی خوش آمدید۔

اس کے ساتھ ہی فیصل قریشی نے تمام لوگوں سے اپنے بیٹے کے لیے دعاؤں اور محبت کی درخواست کرتے ہوئے کہا کہ اسے آپ کی محبت کی ضرورت ہے۔

[instagram-post url="https://www.instagram.com/p/B7eByRzlab7/"]

فیصل قریشی کی جانب سے یہ خوشخبری شیئر کرتے ہی ان کے چاہنے والوں کی جانب سےانہیں مبارکباد ینے کاسلسلہ شروع ہوگیا۔ سوشل میڈیا صارفین کے ساتھ شوبز فنکاروں نے بھی فیصل قریشی کو مبارکباد دی اور ان کے بیٹے کے لیے نیک تمناؤں کا اظہار کیا۔

واضح رہے کہ اس سے قبل فیصل قریشی کی دوبیٹیاں ہانش اور آیت ہیں۔ ہانش فیصل قریشی کی پہلی بیوی عائشہ آغا کی بیٹی ہیں جبکہ 8 سالہ آیت ان کی دوسری بیوی ثنا قریشی سے ہیں۔

[instagram-post url="https://www.instagram.com/p/B1tqbImloCm/"]