رات کے اندھیرے میں برف باری کے دوران ڈانس کرتی لڑکی کے چرچے

سوشل میڈیا پر لڑکی کو شدید تنقید کا نشانہ بناتے ہوئے ایک بحث کا ہوگیا ہے۔ فوٹوانٹرنیٹ

---

سوشل میڈیا پر سنسان سڑک پر ایک لڑکی کی ڈانس کرتے ہوئے ویڈیو وائرل ہورہی ہے تاہم سوشل میڈیا صارفین کی جانب سے لڑکی کو اس طرح ڈانس کرنے پر شدید تنقید کا نشانہ بنایا جارہا ہے۔

سوشل میڈیا پر ایک نامعلوم لڑکی کی سنسان سڑک پر ڈانس کرنے کی ویڈیوز وائرل ہورہی ہیں۔ ویڈیو کے کیپشن میں لکھا ہے ''اسلامی جمہوریہ پاکستان میں خوش آمدید'' اور اسی جملے کے باعث نہ صرف سوشل میڈیا صارفین طیش میں آگئے ہیں بلکہ لڑکی کو شدید تنقید کا نشانہ بناتے ہوئے ایک بحث کا ہوگیا ہے۔

https://twitter.com/Bechariii/status/1218160215503360001

https://twitter.com/Bechariii/status/1218548401320665089

کچھ لوگ لڑکی کے اس طرح سرعام سڑک پر ڈانس کرنے پر غصے کا اظہار کرتے ہوئے کہہ رہے ہیں کہ پھر سر پکڑ کر کہتی ہیں کہ ہمیں ہراساں کیا گیا۔ دعوت سرعام ہے، گھر میں کوئی گھس آئے تو چادر وچار دیواری کاتقدس پامال ہوتا ہے۔

پھر سر پکڑ کے کہتی ھیں ھمیں ھراسہ کیا گیا دعوت سر عام ھے گھر میں کوئی گھس آئے تو چادر وچار دیواری کا تقدس پامال ھوتا ھے اور روڈ کا تقدس ھے

— [email protected] (@beyamajo28) January 17, 2020

کچھ ٹوئٹس اس خاتون کے حق میں بھی کی گئیں، لوگوں کا کہنا تھا کہ جب ڈانس کرنے پر لڑکی کو کوئی مسئلہ نہیں اس کے والدین کو کوئی مسئلہ نہیں، کپڑے بھی پورے پہنے ہیں، ڈانس میں کوئی بے ہودگی نہیں اور اسلامی جمہوریہ پاکستان میں سب کو اپنی مرضی سے زندگی انجوائے کرنے کا پورا حق دیتا ہے تو آپ اس کی والدہ نہ بنیں۔

https://twitter.com/HinaRKharal/status/1218375424146800642

علیزے نامی صارف نے لکھا لڑکی کے ڈانس کرنے پر اعتراض کیوں؟ لڑکے ڈانس کرسکتے ہیں اور اس وقت کسی کو احساس نہیں ہوتا کہ یہ اسلامی جمہوریہ پاکستان ہے۔ لیکن اگر لڑکی کچھ کرلے تو ہر کوئی مفتی بن جاتا ہے اور فتویٰ دینا شروع ہوجاتا ہے۔

https://twitter.com/alizey92/status/1218556944102936576

کچھ لوگ ویڈیو کے ساتھ اسلامی جمہوریہ پاکستان کا نام لکھنے پر شدید اعتراض کرتے ہوئے کہہ رہے ہیں کہ ہمیں سمجھ نہیں آتی ہر بات کو ''اسلامی جمہوریہ پاکستان'' پہ لانا لازمی ہے؟ مطلب غلط حرکتیں ہم خود کریں اوربدنام ملک کو کریں؟ پہلے خود کو بدلو اور توجہ حاصل کرنے کے لیے ایسی ٹوئٹس کرکے اپنے ملک کو بدنام نہ کرو کیونکہ آپ بھی اسی ملک کا حصہ ہو۔

https://twitter.com/SaRazinG_/status/1218559157143588864