ماورا حسین کا 8 سالہ عوز نور کے قاتلوں کو سر عام پھانسی دینے کا مطالبہ

نااہل نظام کا خمیازہ پھول جیسی ایک اور بچی کو بھگتنا پڑا، ماورا حسین۔ فوٹو: فائل

---

ماورا حسین جنسی زیادتی کے بعد قتل ہونے والی 8 سالہ عوز نور کے قاتلوں کو سرِ عام پھانسی دینے کا مطالبہ کردیا۔

نوشہرہ میں جنسی زیادتی کے بعد قتل ہونے والی 8 سالہ عوز نور کی حمایت میں ماورا حسین نے اپنی ٹوئٹ میں افسردگی کا اظہار کرتے ہوئے کہا کہ میں پریشانی کے عالم میں ہوں حتیٰ کہ مجھ سے سانس لینا بھی دشوار لگ رہا ہے۔

I can’t even breathe.
Are we ever going to hang the perpetrators, hang them all without debate, without delay, without any trials? It’s a shame that yet another child, a little flower had to suffer the incompetence of our systems.
Praying for her family💔 #JusticeForHooznoor pic.twitter.com/P4ZKXw9Jvm

— MAWRA HUSSAIN (@MawraHocane) January 22, 2020

انہوں نے معصوم عوز نور کے قتل پر موجودہ نظام پر سوال اُٹھاتے ہوئے کہا کہ کیا ہم اس بار بھی ہوس کا نشانہ بنانے والے مجرموں کو بغیر کسی بحث و مباحثے، بغیر کسی تاخیر اور بغیر کسی ٹرائل کے بھانسی دے پائیں گے ؟۔

یہ خبر بھی پڑھیں: نوشہرہ؛ کمسن بچی عوض نور کے قاتل پڑوسی نکلے، جرم کا اعتراف

ماورا کا برہمی کا اظہار کرتے ہوئے کہنا ہے کہ شرم کی بات ہے کہ اس نااہل نظام کا خمیازہ ننھی کلی جیسی بچی کو بھگتنا پڑا۔ ساتھ ہی انہوں نے عوز نور کی فیملی کے لئے دعا بھی کی۔

یہ خبر بھی پڑھیں:زیادتی وقتل کے ملزمان کو عبرتناک سزائیں دینے کیلیے قانون سازی کا فیصلہ

واضح رہے کہ تین روز قبل نوشہرہ کی رہائشی ایک کمسن 8 سالہ عوض نور دوپہر تین بجے مدرسے کے لیے گھر سے نکلی اور لاپتا ہوگئ تھی جسے ملزموں نے جنسی زیادتی کے بعد قتل کردیا تھا۔