باصلاحیت طلبہ معاشرے کی ترقی کے ضامن ہیں وسیم حسین

ISLAMABAD:
قائد تحریک الطاف حسین کی خصوصی ہدایت پر ایم کیو ایم ٹنڈوالہیار


زون کے انچارج سید محمد علی شاہ ، اراکین زونل کمیٹی اور حق پرست رکن اسمبلی سید وسیم حسین نے حیدرآباد تعلیمی بورڈ کے تحت انٹر سائنس کے امتحان میں اول پوزیشن حاصل کرنیوالی باصلاحیت طالبہ سیدہ ماہین شاہد کو ان کے گھر جا کر مٹھائی، پھولوں کے ہار، اجرک اور مبارکباد پیش کی اور تعلیمی میدان میں قابل فخر پوزیشن حاصل کرنے پر انہیں قائد تحریک کا خصوصی تہنیتی پیغام پہنچایا۔

وسیم حسین نے کہا کہ ماہین جیسے باصلاحیت طلبہ کسی بھی معاشرے کو ترقی کی راہ پر گامزن کرنے میں کلیدی کردار ادا کر سکتے ہیں، لیکن ضرورت اس امر کی ہے کہ انہیں اپنی صلاحیتوں کے بھرپور اظہار کے مواقع فراہم کیے جائیں۔