سعودی عرب کے جنوبی صوبے نجران میں ٹریفک حادثے میں 11 افراد ہلاک جبکہ 5 زخمی ہو گئے۔

میڈیا رپورٹس کے مطابق پولیس حکام کا کہنا تھا کہ سعودی شہری نجران کی موٹر وے پر کار چلا رہا رتھا کہ مخالف سمت سے آنے والی ایک دوسری کار سے ٹکراگئی جس کے نتیجے میں سعودی شہری سمیت 11 افراد ہلاک ہو گئے، دیگر ہلاک ہونے والوں میں 10 کا تعلق یمن سے تھا جو کہ غیر قانونی طور پر سعودی عرب میں مقیم تھے، 5 زخمیوں میں سے بھی 4 کا تعلق یمن سے ہے جنہیں طبی امداد کے لئے اسپتال منتقل کر دیا گیا ہے۔