بلدیاتی انتخابات میں متحدہ سے اتحاد نہیں ہوگا عبدالقادر پٹیل

پیپلزپارٹی کراچی ڈویژن کے صدر عبدالقادر پٹیل نے کہا ہے کہ بلدیاتی انتخابات میں متحدہ قومی موومنٹ سے اتحاد نہیں ہوگا،وہ بدھ کو سندھ اسمبلی میں صحافیوں سے گفتگو کررہے تھے۔


انھوں نے کہا کہ ایم کیو ایم کراچی میں مینڈیٹ کے لحاظ سے خود کو امیر جماعت سمجھتی ہے، پیپلزپارٹی ایک غریب جماعت ہے اس لیے اس کا امیر جماعت ایم کیو ایم سے اتحاد ممکن نہیں،انھوں نے کہا کہ بلدیاتی انتخابات میں پیپلزپارٹی کی عوامی نیشنل پارٹی اور جمعیت علمائے اسلام (ف) سے انتخابی الائنس کے لیے بات چیت آخری مراحل میں ہے اور تینوں جماعتیں انتخابی اتحاد کے لیے رضامند ہوگئی ہیں اور مزید جماعتوں سے بھی بات چیت جاری ہے۔