نوازشریف صحت یابی کے بعد جلد وطن واپس آئیں گےشہبازشریف

عمران خان نے رانا ثناء اللہ سے متعلق انتہائی تضحیک آمیز باتیں کیں، شہباز شریف ۔ فوٹو : فائل

---

پاکستان مسلم لیگ (ن) کے صدر میاں شہباز شریف نے کہا کہ نوازشریف کا علاج جاری ہے اور وہ صحت یابی کے بعد جلد وطن واپس آئیں گے۔

قائد حزب اختلاف شہباز شریف نے لندن میں میڈیا سے بات کرتے ہوئے کہا کہ میاں نوازشریف کا علاج جاری ہے، آج بھی ان کا طبی معائنہ ہوگا، قوم سے درخواست ہے کہ وہ دعا کریں اللہ تعالیٰ انہیں مکمل صحتیابی عطا کریں اور وہ خیریت سے وطن واپس آئیں۔

شہباز شریف نے کہا کہ عمران خان نے رانا ثناء اللہ سے متعلق انتہائی تضحیک آمیز باتیں کیں، وہ مسلم لیگ (ن) کے پنجاب کے صدر اور قابل احترام شخص ہیں، عمران خان کو ہوش کے ناخن لینے چاہیے اور ایسی گفتگو سے گریز کرنا چاہئے۔

اپوزیشن لیڈر نے کہا کہ رانا ثناء اللہ یو ٹرن پر یقین نہیں رکھتے، وہ عمران خان کی طرح غلط بیانی نہیں کرتے عمران خان نے ان کے بارے میں جو الفاظ استعمال کیے میں نہیں چاہتا کہ کوئی عمران خان صاحب کو بھی ایسے الفاظ سے پکارے۔

میاں نوازشریف کا علاج جاری ہے.قوم سے درخواست ہے کہ وہ دعاکریں اللہ تعالٰی انہیں مکمل صحتیابی عطا کریں اور وہ خیریت سے وطن واپس آئیں.عمران خان نے رانا ثناءاللہ سے متعلق تضحیک آمیز باتیں کیں.عمران خان کو ہوش کے ناخن لینے چاہیے@CMShehbaz pic.twitter.com/A5uwopbRMH

— PMLN (@pmln_org) January 24, 2020