بچوں کی بازیابی دکھی ماں کی درخواست پرایس ایچ او محمودآباد کو نوٹس

سابق شوہرنے بچوں کوحبس بیجا میں رکھا ہواہے،ملنے نہیں دے رہا،درخواست گزارشازیہ

کورٹ رپورٹر January 26, 2020

عدالت کا 4سالہ حیدراور2سالہ فاطمہ کوبازیاب کرکے27 جنوری کوپیش کرنے کا حکم۔ فوٹو: فائل

عدالت نے خاتون کی 2 سالہ بچی سمیت2 بچوں کوحبس بے جارکھنے کے خلاف درخواست پر ایس ایچ او محمود آبادکونوٹس جاری کردیے.

سٹی کورٹ میں عدالت میں شازیہ نامی خاتون کی 2 سالہ بچی سمیت 2 بچوں کو حبس بے جا رکھنے کے خلاف دائر درخواست کی سماعت ہوئی،خاتون نے روتے ہوئے بتایا کہ شیرخوار بیٹی سمیت دو بچوں کو سابق شوہر نے قید کیا ہوا ہے، محمود آباد کی رہائشی ہوں 2013 میں آفتاب علی خان سے شادی ہوئی،سابق شوہر کے دوسری لڑکیوں کے ساتھ تعلقات ہیں، دسمبر 2019میں آفتاب نے مجھے بغیر کسی وجہ کے طلاق دے دی میرابڑا بیٹا جس کی عمر 6 سال میرے ساتھ ہے جبکہ شیر خوارسمیت 2 بچوں کو سابق شوہر نے گھر میں قید کیا ہوا ہے، 4 سالہ حیدر اور 2 سالہ نیلن فاطمہ سے مجھے ملنے بھی نہیں دیا جارہا ،بچی کودیکھنے کیلیے ترس گئی ہوں،بچوں کو بازیاب کرایا جائے.

عدالت نے ایس ایچ او محمود آباد کو نوٹس جاری کرتے ہوئے بچوںکو بازیاب کرکے 27جنوری کو پیش کرنیکا حکم دیدیا۔