لاہور ایئرپورٹ پرروسی ایئرلائن کے مسافر طیارے کی ہنگامی لینڈنگ

سول ایوی ایشن کی خصوصی ایمبولنس اور طبی عملہ رن وے پر ہی پہنچ گیا جنہوں نے خاتون کو طبی امداد فراہم کی، فوٹو: فائل

---

خاتون مسافر کی طبیعت میں خرابی کے باعث روسی ایئرلائن کے مسافر طیارے نے ایئر رپورٹ پر ہنگامی لینڈنگ کی ہے۔

ایکسپریس نیوز کے مطابق روسی ایئرلائن کا مسافر طیارہ 280 سے زائد افراد کو لے کر تھائی لینڈ کے شہر بینکاک سے ماسکو جا رہا تھا کہ دوران پرواز ایک خاتون کی طبیعت اچانک بگڑ گئی، خاتون کی حالت کو مدنظر رکھتے ہوئے طیارے کے پائلٹ نے لاہور ایئرپورٹ کے متعلقہ حکام سے ہنگامی لینڈنگ کی اجازت مانگی جس پر سول ایوی ایشن نے طیا رے کو اترنے کی اجازت دے دی۔

طیار کی ہنگامی لینڈنگ کے وقت سول ایوی ایشن کی جانب سے خصوصی طور پر ایمبولنس اور طبی عملہ رن وے پر ہی پہنچ گیا تھا جنہوں نے خاتون کو طبی امداد فراہم کی۔