امریکی باسکٹ بال لیجنڈ کو بے برائنٹ ہیلی کاپٹر حادثے میں ہلاک

کو بے برائنٹ کی موت کی اطلاع میرے لیے خوفناک خبر ہے، ڈونلڈ ٹرمپ

ویب ڈیسک January 27, 2020

کو بے برائنٹ کی موت کی اطلاع میرے لیے خوفناک خبر ہے، ڈونلڈ ٹرمپ

PESHAWAR: امریکی ریاست کیلیفورنیا میں ہیلی کاپٹر گر کرتباہ ہونے سے نامور باسکٹ بال پلیئر بیٹی سمیت ہلاک ہوگیا۔

غیر ملکی خبررساں ادارے کے مطابق امریکی ریاست کیلیفورنیا میں ہیلی کاپٹر گر کرتباہ ہوگیا جس کے نتیجے میں امریکا کے لیجنڈ باسکٹ بال پلیئر کوبے برائنٹ، بیٹی اور3 ساتھی سمیت ہلاک ہوگیا۔

رپورٹس کے مطابق امریکی باسکٹ بال پلیئر پرائیویٹ ہیلی کاپٹر میں سفر کر رہے تھے کہ طیارے میں اچانک آگ بھڑک اٹھی جس سے وہ تباہ ہوا جب کہ ہیلی کاپٹر میں سوار تمام 9 افراد میں سے کوئی بھی زندہ نہیں بچا۔

Kobe Bryant, despite being one of the truly great basketball players of all time, was just getting started in life. He loved his family so much, and had such strong passion for the future. The loss of his beautiful daughter, Gianna, makes this moment even more devastating....
— Donald J. Trump (@realDonaldTrump) January 26, 2020

دوسری جانب معروف شخصیات کو بے برائںٹ کی موت پر افسوس کا اظہار کرتے ہوئے کہا کہ کو بےغیرمعمولی ایتھلیٹ اور قوم کا ہیروتھا۔ امریکی صدر نے کہا کہ کو بے برائنٹ کی موت کی اطلاع میرے لیےخوفناک خبر ہے۔ سابق امریکی صدر براک اوباما کا کہنا تھا کہ کوبے اوربیٹی کی ہلاکت پردل گرفتہ ہوں۔

واضح رہے 41 سالہ کو بے برائنٹ نیشنل باسکٹ بال کے5 بارچیمپئن رہے ہیں، وہ 20 سال تک امریکی نیشنل باسکٹ بال ایسوسی ایشن کا حصہ بھی رہے۔