مہوش حیات کے فوٹوشوٹ پر تنقید عامر لیاقت کو لینے کے دینے پڑگئے

مہوش حیات نے عامر لیاقت کی بات پر کوئی ردعمل ظاہر نہیں کیا۔ فوٹوفائل

---

پاکستان تحریک انصاف کے رکن قومی اسمبلی اور میزبان عامر لیاقت حسین نے اداکارہ مہوش حیات کے فوٹوشوٹ کو تنقید کا نشانہ بنایا تاہم سوشل میڈیا صارفین نے انہیں ہی آڑے ہاتھوں لے لیا۔

مہوش حیات نے حال ہی میں اپنے فوٹوشوٹ کی تصویر سوشل میڈیا پر شیئر کرائی اور خود کو مشکلات اور رکاوٹوں کا سامنا کرنے والی مضبوط خاتون قرار دیا۔ جہاں سوشل میڈیا صارفین نے مہوش حیات کو یہ تصویر شیئر کرنے پر سراہا وہیں عامر لیاقت نے انہیں تنقید کا نشانہ بنایا۔

یہ بھی پڑھیں: عامر لیاقت مہوش حیات کے ڈانس پر بول پڑے

عامر لیاقت حسین نے مہوش حیات کی یہی تصویر اپنے سوشل میڈیا اکاؤنٹ پر شیئر کرائی اور شاعرانہ انداز می لکھا''تمہیں تمغہ کہوں یا نغمہ کہ سورج کہوں یا تارا

کیسے نام کرے گا روشن دو جگ میں نام تمہارا''

[instagram-post url="https://www.instagram.com/p/B71iUw8nsLZ/"]

عامر لیاقت کی اس پوسٹ پر سوشل میڈیا صارفین نے انہیں تنقید کا نشانہ بناتے ہوئے کہا آپ سب کرلو عامر بھائی، بیٹی بیٹااور بیوی کو چھوڑ کر آپ کو بھی تمغہ امتیاز ملنا چاہیے۔ کچھ لوگوں نے انہیں اپنے کام سے کام رکھنے کا مشورہ دیا۔ جب کہ کچھ لوگوں نے تو انہیں ان فالو ہی کردیا۔

یہ بھی پڑھیں: مہوش حیات اور عامر لیاقت کی ایک دوسرے پر تنقید



آمنہ نامی صارف نے لکھا یہ شخص کبھی میرا آئیڈیل ہوا کرتا تھا لیکن اب وہ اپنی عزت کھوچکے ہیں۔ کچھ لوگوں نے کہا کچھ شرم ہوتی ہے کچھ حیا ہوتی ہے۔ تاہم مہوش حیات نے عامر لیاقت کی بات پر کوئی ردعمل ظاہر نہیں کیا۔

یہ بھی پڑھیں: تمغہ امتیاز کے بعد مہوش حیات ایک اور تنازع میں پھنس گئیں

واضح رہے کہ اس سے قبل بھی عامر لیاقت اور مہوش حیات کے درمیان کئی بار نوک جھونک ہوچکی ہے۔ عامر لیاقت نے مہوش کو ایوارڈ شو کی تقریب کے دوران ڈانس کرنے پر تنقید کا نشانہ بنایا تھا اور ان کے تمغہ امتیاز پر سوال اٹھایا تھا۔ جب کہ ایک بار فلم''لوڈ ویڈنگ'' میں ایک سین کے باعث عامر لیاقت نے مہوش حیات پر شدید تنقید کی تھی۔