ISLAMABAD: کوئٹہ، سبی، مچھ اور گرد ونواح میں زلزلے کے جھٹکے محسوس کئے گئے۔

محکمہ موسمیات کے مطابق زلزلے کے جھٹکے کوئٹہ، سبی اور ان کے ملحقہ علاقوں میں محسوس کئے گئے جن کی شدت 5.2 تھی اور اس کا مرکز کوئٹہ سے جنوب مشرق میں 58 کلو میٹر زیر زمین تھا جبکہ امریکی جیولوجکل سروے کے مطابق اس کی شدت 4.9 تھی اور اس کا مرکز مچھ سے مشرق میں 20 کلو میٹر زیر زمین تھا، زلزلے کے محسوس ہونے پر لوگ خوف وہراس کے عالم میں اپنے گھروں سے باہر نکل آئے اور کلمہ طیبہ کا ورد کرتے رہے تاہم اب تک اس سے کسی جانی ومالی نقصان کی اطلاع نہیں ملی ہے۔