ملک بھر سے بدعنوانی کا خاتمہ نیب کی اولین ترجیح ہے چیئرمین نیب

چیئرمین نیب جسٹس (ر) جاوید اقبال کا کہنا ہے کہ ملک بھر سے بدعنوانی کا خاتمہ نیب کی اولین ترجیح ہے۔


چیئرمین نیب جسٹس (ر) جاوید اقبال نے نیب ہیڈکوارٹرز میں کھلی کچہری کا دورہ کیا اور شکایات کے ازالہ کے لئے احکامات جاری کیے جب کہ شکایات کنندگان نے چیئرمین نیب کی بدعنوانی سے متعلق ان کی شکایات کے حل کے لئے کی گئی کاوشوں کو سراہا۔

اس موقع پر چیئرمین نیب جاوید اقبال کا کہنا تھا کہ ملک بھر سے بدعنوانی کا خاتمہ نیب کی اولین ترجیح ہے، نیب نے عوام کی بدعنوانی سے متعلق شکایات کے ازالہ کے لیے اپنے دروازے کھول دیے ہیں، نیب کے افسران، اہلکار ملک سے بدعنوانی کے خاتمہ کے لئے اپنے فرائض قومی فریضہ سمجھتے ہوئے اداکررہے ہیں۔