ایم کیوایم رابطہ کمیٹی میں توسیعمزید 3رہنما شامل

ایم کیو ایم رابطہ کمیٹی میں توسیع کردی گئی ہے اور مزید 3رہنمائوں کو رابطہ کمیٹی میں شامل کیا گیا ہے۔

ایکسپریس نیوز کے مطابق ایم کیو ایم کے قائد الطاف حسین نے ایم کیوایم کے تمام تنظیمی شعبوں کا ہنگامی اجلاس طلب کیا،اجلاس میں اہم تنظیمی امور زیرغورآئےاور ملکی صورتحال پر بھی بات ہوئی۔اس موقع پر ایم کیو ایم کے سینئر رہنما فاروق ستار ،رشید گوڈیل اور سیف یار خان کو رابطہ کمیٹی کا رکن مقررکیاگیا جبکہ بابر غوری اور عادل صدیقی کو رابطہ کمیٹی کا معاون مقرر کردیا گیا ہے۔


واضح رہے کہ کچھ عرصے قبل ایم کیو ایم رابطہ کمیٹی میں بڑے پیمانے پر تبدیلی کی گئی تھی۔