شہبازشریف اپنے بچھائے جال میں خود پھنس چکے ہیں فردوس عاشق اعوان

جھوٹی خبروں سے مخالفین کی بدنامی اور کردار کشی کرانا شہباز شریف کی شناخت اور خاصہ ہے، فردوس عاشق: فوٹو : فائل

---

MADRID: وزیراعظم کی معاون خصوصی فردوس عاشق اعوان کا کہنا ہے کہ شہباز شریف اپنے بچھائے جال میں خود پھنس چکے ہیں۔

وزیراعظم عمران خان کی معاون خصوصی فردوس عاشق اعوان نے کہا کہ شہبازشریف اپنے بچھائے جال میں خود پھنس چکے ہیں، برطانیہ کی عدالتوں کو بھی پتہ چلے گا کہ ان کی اصلیت اورحقیقت کیاہے۔ قوم کا سوال ہے کہ آپ سچے ہوتے تو عدالت سے رجوع کرنے میں چھ ماہ کیوں لگاتے۔

فردوس عاشق اعوان نے کہا کہ شہباز صاحب! میڈیا پراثرانداز ہونا آپکا وطیرہ رہا ہے۔ جھوٹی خبروں سے مخالفین کی بدنامی اور کردار کشی کرانا آپ کی شناخت اور خاصہ ہے، آپ کے دور میں ایک اخبار کا دو صفحات تک سمٹ جانا قوم بھولی نہیں۔