ٹویٹر نے آئی او ایس کے لیے پیغامات کی تھریڈ کا آپشن پیش کردیا

ٹویٹر نے بی ٹا ٹیسٹ کے طور پر ٹویٹر تھریڈ کا آغاز کیا ہے۔ فوٹو:

---

بہت سی قیاس آرائیوں کے بعد ٹویٹر نے ہر ٹویٹ پر ردِ عمل اور پیغامات دکھانے والا ایک آپشن پیش کردیا ہے جو کسی سلسلے یا تھریڈ کی صورت میں عین اسی طرح دکھائی دے گا جس طرح فیس بک پر کسی پوسٹ پر چیٹ یا ردِ عمل دکھائی دیتا ہے۔

اگرچہ دوسال قبل ٹویٹر نے اس کا اعلان کیا تھا اور اس کی ایک جھلک بھی دکھائی تھی۔ اس آپشن سے اندازہ کیا جاسکتا ہے کہ آپ کو کون فالو کررہا ہے اور ٹویٹ سے شروع ہونے والی گفتگو پر کون اظہارِ خیال کررہا ہے۔

We’ve given conversations a makeover on iOS. When people you follow are in a conversation, you’ll see their replies in a new way in your Home timeline.

This new layout makes it easier to see who's replying to who so you can join in on relevant conversations. pic.twitter.com/xNmnAtQFeI

— Support (@Support) January 31, 2020

ٹویٹر ایپ پر اس کی بی ٹا ٹیسٹنگ جاری ہے اور تھریڈ آپشن پر ٹویٹ کے جواب در جواب کا ایک وسیع سلسلہ شروع ہوجاتا ہے۔ لیکن واضح رہے کہ یہ ابھی ٹیسٹنگ کے مرحلے میں ہی ہے ۔ اگر ٹویٹر اس کے نتائج سے مطمئین نہیں ہوتا تو بھول جائیں کہ یہ آپشن کبھی ایپ میں شامل ہوسکے گا۔ ٹویٹر تھریڈ آپشن کو عام افراد اور ماہرین دونوں ہی آزمارہے ہیں اور یہ سلسلہ کئی ماہ سے جاری ہے۔

اگر یہ آپشن ٹویٹر کا حصہ بن جاتا ہے تو آپ اپنی ٹویٹ پر لوگوں کے تاثرات فوری طور پر آسانی سے پڑھ سکیں گے۔ توقع ہے کہ اس طرح فیس بک کی طرح لوگ ٹویٹر پر زیادہ وقت گزاریں گے۔