دانش اوررومی پھرسے بڑی اسکرین پرآنے کوتیار

شیث گل اپنی اداکاری اورڈائیلاگ کی بہترین ادائیگی کے باعث مداحوں کی توجہ کا مرکز بنا

ویب ڈیسک February 03, 2020

شیث کے ساتھ جلد ہی بڑے پردے پر نظر آؤں گا، ہمایوں سعید: فوٹو: فائل

اداکارہمایوں سعید کا کہنا ہے کہ وہ معروف ترین ڈرامہ 'میرے پاس تم ہو' میں رومی کا کردار ادا کرنے والے شیث گل کے ساتھ ایک اور پراجیکٹ میں نظر آئیں گے۔

ہدایت کارومصنف خلیل الرحمان قمرکے ڈرامے''میرے پاس تم ہو'' نے اپنے کرداوں اورمعنی خیزڈائیلاگ کے باعث بہت مقبولیت حاصل کی۔ ڈرامہ کے سب ہی کرداروں نے اپنا اپنا کرداربخوبی انجام دیا جس کی مداحوں نے خوب تعریفیں بھی کی لیکن سب سے زیادہ جس کرداراوراندازبیاں کوسراہا گیا وہ ہمایوں سعید کے بیٹے کا کرداراداکارکرنے والا 'شیث گل' تھا جس کا نام ڈرامے میں رومی تھا۔ رومی اپنی اداکاری اورڈائیلاگ کی بہترین ادائیگی کے باعث مداحوں کی توجہ کا مرکزبنا تھا۔

اس خبرکوبھی پڑھیں: ''میرے پاس تم ہو'' کے اختتام پر سیاستدانوں کے بھی دلچسپ تبصرے

بے حد پزیرائی کے بعد اب ڈرامے کے مرکزی کردار ہمایوں سعید نے انسٹاگرام پوسٹ پراشارہ دیا کہ وہ شیث گل کے ساتھ ایک بارپھر اداکاری کرتے نظر آئیں گے تاہم اس بار وہ ڈرامہ نہیں بلکہ فلم ہوگی۔ اداکار نے کہا کہ وہ شیث کے ساتھ انشا اللہ جلد ہی بڑے پردے پر نظرآئیں گے۔

یہ بھی پڑھیں: 'میرے پاس تم ہو' کی وائرل پوسٹس

واضح رہے کہ ڈرامہ میرے پاس تم ہو اپنی پہلی ہی قسط سے بے انتہا مقبول ڈرامہ رہا جب کہ ڈرامے کی آخری قسط سینما گھروں میں دکھائی گئی تھی۔ ڈرامہ میں ہمایوں سعید، عدنان صدیقی، عائزہ خان اورحرا مانی مرکزی کردار ادا کیے۔