پاکستان میں کورونا وائرس کا مشتبہ کیس سامنے آگیا

چین سے واپس آنے والے پاکستانی طالب علم میں کورونا وائرس کی علامات ظاہر

---

چین سے واپس آنے والے پاکستانی طالب علم میں کورونا وائرس کا شبہ ظاہر کیا گیا ہے۔

سندھ کے شہر خیرپور کا رہائشی شاہ زیب علی راہوجو ہفتے کے روز چین سے قطر کے راستے کراچی پہنچا ہے جہاں ایئرپورٹ پر اسے کلیئر کردیا گیا تاہم اس کی طبیعت بگڑگئی ہے اور کورونا وائرس کی علامات ظاہر ہورہی ہیں۔ سول اسپتال پیر جو گوٹھ کے ڈاکٹرز اور عملہ شاہزیب میں وائرس کا شبہ ظاہر ہونے کے بعد علاج سے انکار کرتے ہوئے وارڈ چھوڑ کر چلے گئے۔ ڈاکٹرز کا کہنا تھا کہ ہمارے پاس اس مرض کا نہ علاج ہے اور نہ ہی ٹیسٹنگ کٹس ہیں۔

سندھ میں علاج نہ ہونے پرشاہزیب نے اسلام آباد جانے کی کوشش کی تاہم ملتان ٹول پلازہ پر پولیس کی بھاری نفری نے شاہزیب کو روکتے ہوئے واپس سندھ بھیج دیا ہے۔ شاہ زیب کو خیرپور کے علاقے گمبٹ کے اسپتال پہنچا دیا گیا ہے جہاں اس کی طبیعت بدستور خراب ہے۔

شاہزیب پچھلے پانچ ماہ سے چین کی یونیورسٹی میں زیر تعلیم تھا اور چین سے اسکریننگ کلیئر ہونے کے بعد قطر ایئرپورٹ پر اس کی طبیعت خراب ہوئی۔ شاہزیب اور اس کے بھائی نے سوشل میڈیا پر ویڈیو بھی شیئر کی ہے۔
https://twitter.com/i/status/1224394396877148160

یا پروردگار معاف کرنا
کیا سچ میں یہ پاکستان میں کرونا وائرس کا مریض بن گیا ہے۔ سب سے خطرناک بات یہ ہے کہ خیر پور کا یہ طالبعلم شاہ زیب راہوجا دو دن پہلے چائنا سے واپس آیا ہے 🥺
ہاسپٹل میں کوئی ڈاکٹر اس کا علاج کرنے کو تیار نہیں ہے 🙏 pic.twitter.com/qY7pV0DgfI

— Sheikh Rizwan Shaukat (@SheikkhAM) February 3, 2020