لاہور: افغان صوبہ پکتیکا میں سڑک کنارے نصب بارودی سرنگ کے دھماکے میں ایک ہی خاندان کے 7 بچے جاں بحق جب کہ 3 زخمی ہو گئے۔

غیرملکی خبرایجنسی کے مطابق پکتیکا کے ضلع خیرکوٹ کی مرکزی شاہراہ پر نصب بارودی سرنگ اس وقت دھماکے سے پھٹ گئی جب وہاں موجود بچوں نے کھیلنے کے دوران اس پر پاؤں رکھ دیا، صوبائی ترجمان کا کہنا ہے کہ دھماکے کے نتیجے میں ایک ہی خاندان سے تعلق رکھنے والے 7 بچے جاں بحق اور 3 زخمی ہو گئے، جاں بحق اور زخمی ہونے والے بچوں کی عمریں 7 سے 12 سال کے درمیان ہیں، تاحال کسی بھی گروپ کی جانب سے دھماکے کی ذمہ داری قبول نہیں کی گئی ہے۔