کورونا وائرس کی روک تھام ایشیائی ترقیاتی بینک کی 20 لاکھ ڈالرز کی منظوری

فنڈ وائرس کی روک تھام کیلئے انویسٹی گیشن اورہیلتھ سسٹم کو مضبوط بنانے کیلئے سفارشات کی تیاری پر استعمال ہوگا، اے ڈی بی: فوٹو: فائل

---

KARACHI: ایشیائی ترقیاتی بینک نے کورونا وائرس کی روک تھام کیلئے 20 لاکھ ڈالرکے نئے فنڈ کی منظوری دے دی۔

ایشیائی ترقیاتی بینک نے کورونا وائرس کی روک تھام کے 20 لاکھ ڈالرکے نئے فنڈ کی منظوری دے دی۔ فنڈزسے کمبوڈیا، چین، میانمار، تھائی لینڈ اورویت نام میں جاری علاقائی ٹیکنیکل اسسٹنس میں معاونت ملے گی۔

اس خبرکوبھی پڑھیں: کراچی؛ چین سے آئے بعض افرادسے کورونا وائرس پھیلنے کا خدشہ

اے ڈی بی کے مطابق یہ رقم کورونا وائرس کی روک تھام کیلئے انویسٹی گیشن، سرویلیئنس اورہیلتھ سسٹم کو مضبوط بنانے کیلئے سفارشات کی تیاری پراستعمال ہوگی جب کہ وائرس کی تشخیص سے متعلق فوری ٹیسٹ اورتجربہ گاہ میں استعمال ہونے والے آلات بھی حاصل کئے جائیں گے۔