سانحہ راولپنڈی میں 200 دکانیں راکھ 34ارب روپے کانقصان

ریسکیو1122 ،سٹی اور کینٹ کے فائر بریگیڈ کی گاڑیوں نے آگ بجھانے کیلیے مارکیٹ کی دیواریں توڑ کر راستہ بنایا. فوٹو ایکسپریس/فائل

---

سانحہ راولپنڈی میں متاثرہ مدرسہ تعلیم القرآن سے ملحقہ 3 مارکیٹوں کی 200 دکانیں مکمل طور پر جل کر راکھ ہوگئیں۔

جس سے دکانداروں کا مجموعی طور پر 3 ارب 40 کروڑ روپے کا نقصان ہوا ہے ، سانحہ کو 80 گھنٹے سے زائد گزرنے کے باوجود آگ کی چنگاریاں سلگتی رہیں تاہم پیر کی شام تک تمام چیزیں جلنے کے بعد آگ خود ٹھنڈی ہوگئی۔

سانحہ میں متاثرہ مدینہ مارکیٹ 1960ء میں قائم کی گئی تھی ، ریسکیو1122 نے سٹی اور کینٹ کے فائر بریگیڈ کی گاڑیوں نے آگ بجھانے کیلیے مارکیٹ کی دیواریں توڑ کر راستہ بنایا ۔ کئی دکاندار زار و قطار روپڑے اور کئی کو غشی کے دورے پڑے ، بعد ازاں حالات دوبارہ کشیدہ ہونے پر دکانداروں کو یہاں سے نکال دیا گیا ۔