ایکسپریس انٹرٹینمنٹ پرنئی ڈرامہ سیریل شہر ملال کی تعارفی تقریب

پہلی قسط ناظرین 13فروری جمعرات رات 9بجے سے ایکسپریس انٹرٹینمٹ پردیکھ سکیں گے۔ فوٹو: ایکسپریس انٹرٹینمنٹ

---

13فروری سے ایکسپریس انٹرٹینمنٹ پرنشر کی جانے والی ڈرامہ سیریل شہر ملال کی تعارفی تقریب کا انعقاد کیا گیا، تقریب میں ڈرامہ سیریل کی اسٹار کاسٹ شریک ہوئی۔

ایکسپریس انٹرٹیمنٹ پر رواں ماہ نشر ہونے والی ٹی این آئی پروڈکشنز کی پیش کردہ نئی ڈرامہ سیریل شہر ملال کی تعارفی تقریب کا انعقاد ٹی این آئی ہاؤس میں ہوا،جس میں ڈرامے کی اسٹارکاسٹ کے علاوہ میڈیا سے تعلق رکھنے والے افراد کے ساتھ بلاگرز نے بھی بڑی تعداد میں شرکت کی۔

تقریب میں ڈرامے کے ہدایت کار فرقان آدم اورایگزیکٹیو پرڈیوسر ذیشان خان نے مرکزی کرداروں ماریہ واسطی، شہود علوی ،علی عباس،حاجرہ یامین،زینب قیوم،ایوب کھوسہ ،عید محمد سالم ،سائرہ اصغر،رابعہ کلثوم ،ریحان ، حمیر اظہیر معمران رضا اورفوزیہ مشتاق کے ساتھ شرکت کی۔

ڈرامہ سیریل کو فرقان آدم نے ڈائریکٹ کیا ہے ، اس کی رائٹر سعدیہ اختر ہیں،ڈرامے میں محبت اورنفرت کے گردرونما ہونے والے تلخ معاشرتی رویوں کی حقیقی انداز میں عکاسی کی گئی ہے۔

تقریب کے اختتام پر ڈرامہ کاسٹ نے میڈیا کو ڈرامہ سیریل میں اپنے کرداروں کے علاوہ دوران ریکارڈنگ یادگارلمحات اور درپیش چیلنجز کے حوالے سے آگاہی دی،ڈرامے کی پہلی قسط ناظرین 13فروری جمعرات رات 9بجے سے ایکسپریس انٹرٹینمٹ پردیکھ سکیں گے۔